#186: Ive Gourgaud - Re: Re: Re: pendant ce temps, à Barcelone...

Grandmercé donc de m'escriure enfin en occitan ! :-) Non, l'emplec d'una lenga es pas una question segondària, vòli que la lenga nòstra siga presenta de pertot, se la parlam pas, se l'escrivèm jamai, es una lenga mòrta, e pensi qu'es una error d'aver pas fach una version occitana publica dau manifèste avans una traduccion dins la lenga que deu pas aver la promiera plaça dins nòstra societat.

Quant a çò que disètz dau Felibritge, cresi que l'occitanisme es dins la continuitat dau mistralisme, maugrat dei divergéncias formalas. Lo separatisme lingüistic es fondamentalament antimistralenc. Pasmens, es exacte que i aguèt una epòca absurda ont l'occitanisme refusava l'òbra de Mistral, mai leis occitanistas de uei reconeisson que foguèt una error grèva.

#188: DanièlOlivar - Re: Re: Re: Re: pendant ce temps, à Barcelone...

Quand disès: "vòli que la lenga nòstra siga presenta de pertot", fasès uno ato de voulountarisme (que pode ieu trouba remirablo), mè que s'atrobo (se devino, disou lous Prouvençau) un pau en deforo de la realita: nautres, ço que voulèn, lou pople nostre s'en fout qu'es pa de creire, es pa nautres qu'avèn abandouna la lengo din soun usanço de la vido vidanto, es noste pople.

Es aqui lou nis de la serp! Poudèn countunia tant que voudren de declara ço que voulèn, tout acò demoro un voulountarisme e res mai, valent-à-dire uno paraulo de la tièiro "parole, parole, parole".

Per quant à la "classificaciu" de l'oucitanisme raport au Felibrige, savès, ieu ai prou de distancio per vous voudre pa countrasta aqui dessubre: s'acò vous vai de vous senti mai pròchi de la "verita mistralenco" que noun pa ieu, vai be! Me sentisse mai mistralen per l'escrituro, es acò que m'interesso, à despart d'acò ai di adija que Mistral es uno aubergo espagnolo, su-que-tout per la "pensado' lenguistico, qu'es prou trantaiejanto.

Mè afourti coumo hou fasès aici que seguè uno "error grèva" d'avedre vougu ataca Mistral per afourti l'oucitanisme, acò me semblo prou counsequent amai prou nòu din la pensado oucitanisto: vous ne marque uno osco seguro !

Lou "separatisme linguistic" que nous en fasès reproche es pa nosto realita: avèn uno Alianço, nous fasèn pa la guèro, tout au contro. Noste "separatisme" es un refus de l'oucitanisme coumo ideoulougio: en dequé nous po servi uno Oucitanio fantoumatico emb'uno lengo que soun escrituro es pa la nostro, per dre d'Istorio e de rasou? Ai escri enquicom que vautres sès de federalisto, dau tems que nautres sèn de counfederalisto. Vautres boutas l'unita avans la diversita (e n'en fasès pièi un Manifesto), nautres sèn mai interessa per la diversita que per l'unita, e n'en faren belèu un Manifesto tabé. E tant que nous voudrés agari coumo hou fasès din voste Manifesto, aurés uno responso vioulento perdequé, à la diferencio dau Felibrige qu'es bounas e ple de bono voulounta, nautres sèn marit e de marido voulounta, en tems de guèro. A cadu soun biais de s'apara, parai?